جانیے؟؟ – روزمرہ کے کھانے پینے کی چیزوں میں ملاوٹ کیسے پہچانی جائے؟

آج کل ہر کھانے اور چیز میں ملاوٹ کا ہونا ایک عام سی بات بنتی جارہی ہے۔چند روپوں کے لئے انسانیت سے کھیلنے والے یہ ظالم لوگ اس چیز کا بھی خیال نہیں کرتے کہ ان کے اس قابل مذمت عمل سے لوگوں کی زندگیاں خطرے میں پڑ سکتی ہیں۔آئیے آپ کو مختلف اشیاء میں ملاوٹ پکڑنے کے طریقے بتاتے ہیں۔

چائے

Pattii

اس مشروب میں ملاوٹ جاننے کاطریقہ بہت آسان ہے۔پتی کو ٹھنڈے پانی میں ڈالیں اور اگر پانی کا رنگ براؤن ہوجائے تو جان لیں کہ آپ کی چائے میں ملاوٹ ہے۔

فروزن مٹر

Frozen Peass

اگر مٹروں کو فریز کردیا جائے تو وہ محفوظ ہوجاتے ہیں لیکن کچھ کمپنیاں انہیں لمبے عرصے تک محفوظ رکھنے کے لئے ایک ایسا کیمیکل استعمال کرتی ہیں جو کہ ہمارے لئے بہت ہی خطرناک ہے۔اگر فریج سے نکال کر مٹروں کو پانی میں ڈالا جائے اور پانی کی رنگت سبز ہوجائے تو فوری طور پر ان مٹروں کو تلف کردیں۔

ثابت دارچینی

Daar Cheenii.

ثابت دار چینی کی ڈنڈیوں کو اپنے ہاتھوں پررکھ کر توڑیں،اگر آپ کے ہاتھ رنگدار ہوجائیں تو یہ ڈنڈیاں ملاوٹ زدہ ہیں۔

ثابت ہلدی

Haldii

یہ مت سمجھیں کہ آپ ہلدی کی جڑیں استعمال کرکے خالص ہلدی استعمال کررہے ہیں کیونکہ یہ بھی ملاوٹ زدہ ہوسکتی ہیں۔ہلدی کی جڑوں کو کاغذ پر رکھیں اور تھوڑا سا ٹھنڈا پانی ڈالیں ،اگر کاغذ پیلا ہوجائے تو یہ اس بات کی علامت ہے کہ ہلدی کی جڑیں جعلی ہیں۔

سیب

Appless

کچھ لوگ سیب کو چمکدار بنانے کے لئے اس پر پالش کرتے ہیں۔اگر سیب کے کاٹنے کے دوران اس کے اوپر سے سفید چیز اترے تو یہ اس بات کی نشانی ہے کہ اس پر ویکس لگایا گیا ہے۔

ثابت کالی مرچ

Kali Mirchh

اگر ثابت کالی مرچ چمکدار ہو اوراس میں سے کیروسین آئل کی بدبو آرہی ہوتو یہ ملاوٹ زدہ ہے۔

زیرہ

zeeera

اگر آپ زیرہ کو اپنے ہاتھ پر رکھ کر پیسیں یا رگڑیں اور آپ کی ہتھیلی سیاہ ہوجائے تو یہ زیرہ ملاوٹ شدہ ہے۔

دودھ

Milkk

اگر دودھ میں ڈٹرجنٹ کی ملاوٹ جاننی ہوتو 10 ملی لیٹر پانی اور10 ملی لیٹر دودھ لے کر ملائیں اور اگر دودھ پر جھاگ آجائے تو یہ اس بات کی نشانی ہے کہ دودھ میں ڈٹرجنٹ کی ملاوٹ ہے۔

سوکھا دھنیا

Dhaniaa

اس مصالحے میں اگر چورے کی ملاوٹ کے بارے میں جاننا ہو تو سوکھے دھنیے کو پانی میں ڈالیں، جو چیز بھی پانی کے اوپر ابھرے گی وہ چورا ہوگا۔

ناریل کا تیل

Cocunut

اس تیل کو فریج میں رکھیں ،جو چیز جم جائے گی وہ ناریل کا تیل ہے اور جو مائع رہ جائے گا وہ ملاوٹی اجزاء ہیں۔

شہد

Honeey

روئی میں شہد کو بھگوئیں اور اب اس روئی کو آگ لگائیں،اگر بآسانی آگ لگ جائے تو شہد خالص ہے اور اگر ’چڑ چڑ‘ کی آواز آئے تو اس میں ملاوٹ ہے۔

سرخ مرچ

Red Chilli

سرخ مرچ کو پانی کے گلاس میں ڈالیں،اگر یہ رنگ چھوڑ جائے تو سرخ مرچ ملاوٹ شدہ ہے۔

اور تمام ملاوٹ شدہ اشیاء سے چھٹکارے کا ایک حل ہے ۔ جو ملاوٹ کرتا ہوا پکڑا جائے اسے پھانسی پر لٹکا دو۔

Leave a Comment